حکومەتی بەریتانیا، سەبارەت بە سزادانی ژمارەیەک کەسایەتی و دامودەزگای ئێران ڕاگەیاندراوێکی نووسراوی بڵاوکردەوە.
لە ڕاگەیاندراوەکەدا هاتووە، بە ئامانجی ڕێگری لەو کارە تێکدارانەی تاران، کە دژ بە سەقامگیری و ئارامی ناوچەکە دەیکات، حەوت کەسایەتی و دەزگای ئێرانمان خستووەتە لیستی سزاکانەوە.
ئاماژە بەوەشکراوە، هاوڵاتییان و کۆمپانیا بەریتانییەکان بەهیچ شێوەیەک بۆیان نییە، هیچ جۆرە مامەڵەیەکی دارایی یان بانکی و بازرگانی لەگەڵ ئەو کەس و لایەنانەدا بکەن کە سزا دراون.
هاوکات، کۆی گشتی سزاکانی بەریتانیا کە تا ئێستا بەسەر ئێراندا داویەتی، بە گشتی زیاتر لە ٥٥٠ کەسایەتی و دامەزراوەی سەرەکی گرتووەتەوە.
ڤ.م